偕陳慧嫻美國開騷 壽星泳兒收連環驚喜
香港文匯報訊（記者 子棠）陳慧嫻領軍同門泳兒及許靖韻（Angela）到美國加州舉行兩場演唱會，而首場演出剛好是泳兒的正日生日，慧嫻除了送上大利是，更安排連番驚喜，令泳兒過了一個難忘的生日。
這次除了是慧嫻闊別5年再到美國登台，亦是三人首次合作開騷。泳兒表示最難忘是慧嫻在台上的悉心安排：「在台上與慧嫻姐姐合唱後，佢留喺台上，仲全場大合唱生日歌，突然收到幾千人祝福。」慧嫻說：「我向band leader同監製提議喺台上畀驚喜佢，當佢以為同我合唱完後我就將舞台交畀佢時，我喺台上宣布今日係泳兒生日，帶領觀眾一齊唱生日歌，見到佢驚喜個樣我都好滿足。」驚喜一浪接一浪，完騷後主辦同泳兒切蛋糕時，作為前輩的慧嫻亦封了利是給泳兒：「祝佢以後一切順利，有個開心難忘嘅生日，再一次見到佢驚喜個樣，諗返都覺得好笑。」
慧嫻又笑指跟Angela合唱《跳舞街》後問對方：「唱完我好奇問佢點解會識唱我嘅歌，始終年紀都差咗幾個generation（時代），哈哈。佢話因為佢小時候父母都成日聽我嘅歌，所以佢對我嘅歌曲都非常熟悉，可以同年輕一輩嘅歌手合作對我嚟講係一件好開心嘅事。」Angela還特別與慧嫻合唱對方的經典歌曲《千千闕歌》，Angela說：「呢首歌喺今年嚟講對我非常有意義，之前參與咗一個節目，有朋友送咗呢首歌畀我，所以今次可以同慧嫻姐姐合唱令我有美好回憶。」
