楓林小館
楓林小館（Fung Lum Restaurant），係香港一間執咗笠嘅酒樓，喺新界大圍村南道45-47號地舖，出名菜式有紅燒乳鴿、荔芋香酥鴨。
楓林小館喺1950年開張，老細係由中國大陸走難到香港、有大學學歷嘅彭氏家族成員，嗰時係間小食舖，喺而家沙田新城市廣場嗰頭，舖名係嚟自佢哋鄉下陸豐楓林，到1953年轉營做餐館。嗰時佢引入未普及嘅冷氣機，吸引唔少明星幫襯，譬如白雪仙、胡楓、謝賢。1977年，舖頭搬到大圍。佢哋曾經喺尖沙咀、銅鑼灣甚至美國加州等地開過七間分舖，但最後淨低大圍總舖。因為老細年紀大，又無人接手，所以喺2016年3月底執笠。
