【獨媒報導】無綫電視藝人蔡康年在一個網台財經節目中，遭聽眾質疑用「黑暴」形容2019年反修例運動是欠專業，要求他更正。蔡康年隨即大發雷霆，怒轟稱：「2019年嗰啲係『黑暴』，特區政府所有嘅長官亦都話係『黑暴』，同埋咁多人亦都係被判咗係暴動坐監，如果唔係叫『黑暴』，係叫乜嘢呢？你唔可以話財經節目就唔講得『黑暴』！呢個就係真真正正嘅『黑暴』！唔好再講社會運動！錯嘅！」
該網台名為「RagaFinance 財經台」，在節目中，事源另一主持，股評人、訊滙証券行政總裁沈振盈提到《升旗易得道》，斥對方抹黑自己喚市民在2009年入市。他指在2019年社會事件中，「我都會尊重黃藍唔分，唔緊要，都尊重嘅。有啲人我會尊重嘅，譬如話真係喺社會事件嗰時，你真係出去救人或者咩盛，咁都仲算啦。」
沈振盈更發火用粗口「屌你老母」，斥《升旗易得道》屬鍵盤戰士，並且食人血饅頭。蔡康年隨即強調，自己會用「黑暴」形容社會運動，並在看到有聽眾質疑用「黑暴」形容反修例運動後發火。沈振盈聽到蔡康年的說話後稱：「咁始終係啦。」不過蔡康年意猶未盡：「無可能講社會運動，運咩動！運咩動啫？」沈振盈亦反問：「咩叫專業啲呢？」
網台節目截圖：沈振盈（中）、蔡康年（右）
蔡康年認為，用「黑暴」形容並非等如不專業：「如果講社會運動，嗰啲新聞從業員先至唔專業。」他再三重申，所有政府官員長官均已定性為「黑暴」：「你都仲話唔係『黑暴』？唔通嗰啲真係叫開party，為香港民主爭取啲乜乜柒柒咁呀？你都神經病真係！」他炮轟其口中的「黑暴」「搞到香港爛晒呀」，沈振盈最後和應稱：「係呀，啱呀。」
現年53歲的蔡康年是無綫電視藝人，曾為電台節目主持人，在1999年涉嫌毆打女友施念慈，後來加入無綫，但在劇集中飾演閒角居多。他曾任高清翡翠台節目《創富坊》主持，在2019年反修例運動期間高調支持政府，並參與清理路障。
新民黨立法會議員李梓敬亦轉發該條影片，稱「康年哥夠膽講，唔怕得罪財經聽眾，好嘢！」 蔡康年再轉發李梓敬的帖文，稱感謝對方的關注及沈振盈的信任，表示「希望可以與大家一起守護香港這個家！感受每一位香港警察！衷心感謝您們在2019年獨力對抗黑暴，守護我們的家園！」