洪杰未收到《中年2》結果 為追夢戶口曾只剩3位數：睇堅持到幾耐
撰文：黃欣華
出版：更新：
前歌手洪杰前歌手洪傑（扈佳榮）今日（27日）現身《香港動漫電玩節2023》，早前參加《中年好聲音2》第三輪海選的他就透露暫未收到TVB入圍消息，但他就自爆不太滿意當日表現：「因為前一晚食咗啲好酸嘅水果，索咗啲好酸嘅果汁入氣管，搞到我而家把聲仲沙緊，直情咳到病咗，睇咗3次醫生都未好得曬。」
洪杰不滿意當日海選表現。（陳順禎攝）
洪杰感謝父母助追夢。（陳順禎攝）
2007年洪杰被母親游說從美國回港參加「2007英皇新秀歌唱大賽」而晉身樂壇，成為英皇娛樂旗下歌手至2017年。回顧歌手生涯，洪杰透露戶口曾剩下3位數：「啱啱入行嘅時候，因為面子問題唔會好意思問屋企人攞錢，一直用積蓄，但呢行支出好大，好快見底，全靠堅持。」完約後，洪杰轉行做歌唱老師，1對1教授學生，但又受疫情影響導致零收入：「雖然無收入聽落好慘，但日日喺屋企無咩嘢做，都ok，當抖足三年，而家都係堅持住唱歌，睇堅持到幾耐。」
洪杰憶起初入行生活拮据。（陳順禎攝）
洪杰目前已轉行做歌唱老師。（陳順禎攝）