蔡思貝自薦做「星女郎」獲星爺畀Like　有望打入四強：你哋講啫

蔡思貝今日（27/7）現身觀塘出席夏日潮玩太空站活動。提到為求成功爭取成為星爺（周星馳）電影《少林女足》的「星女郎」，不惜瞓身曬水着Look大玩淋浴騷長腿，最終成功誘惑星爺回應畀like，疑打入4強佔一席位。思貝接受《香港01》訪問時笑言：「其實見到佢畀like，我係好開心，至於話入咗4強係你哋講啫，相信冇啲咁嘅事。我知道籌備電影並唔容易，相信係要用好長時間，咁唯有等吓。（等待結果期間，心情有否感到忐忑不安？）咁又冇喎，反而我就覺得係喺剪片嘅時候會比較緊張，因為剪接嘅時候真係要用腦，要將所有精華濃縮為一分鐘嘅片原來係好難。然後到我完成剪片之後，post咁出街後，心情即刻輕鬆晒，咩壓力都冇晒。」