新聞類別
娛樂
詳情#
【蘋果日報】【《蘋果》專訪】現年37歲、05年港姐亞軍陸詩韻，最近在好友李美慧婚禮上重遇舊愛、新郎曾文豪胞兄曾文能，她表現大方，日前在觀塘受訪時說：「大家分手十年，仲係好友關係，間中都有約食飯gathering。」
高正安了解中
對於李美慧早前更分享嫁個有錢人的看法，陸詩韻說：「每個人都有自己意見，我冇特別過濾，我覺得要嫁一個人，最重要係嫁一個自己心愛嘅人。」仍是盛女的她，自言不會夢想嫁個有錢人：「緣份到就到，我係個實事求是事嘅人，以前同男友出外食飯，佢畀十次我總要畀番兩、三次。我覺得唔可以次次人哋請，唔可以吓吓奉旨。」她堅持女性要獨立和自主。
陸詩韻與舞台劇演員兼魔術師、38歲的高正安於14年演舞台劇《千奇百解》時認識，她大方說：「大家係朋友，佢係一個好男仔，了解中。」對於兩人已了解四年，她笑說：「我小心嘛！要了解清楚對方。」自認性格男仔頭的陸詩韻，要另一半肯忍受她的脾氣。提到情路坎坷，她說：「我真係冇乜眼光，只可以話唔好彩。」
遇過錢銀轇轕
正做美容生意的陸詩韻，最近又有新劇播出，首次在劇中演奸角獲網民稱讚，她自言離開無綫九年，百感交集：「呢幾年做生意，經歷好多，遇過錢銀轇轕，再加上感情經歷，打擊好大。曾經有段時間，行出街就覺得人哋講自己，我試過去睇心理醫生，醫生幫唔到我，畀啲安眠藥我，叫我瞓好啲，收我幾千蚊，其實真係幫我唔到。」她形容這幾年間如坐過山車：「依家慢慢學識要同人傾，有前輩教我，唔好怕人講，唔好理人咁多，呢啲經歷確係令我成長。」
採訪︰羅婉玲
服裝提供︰Maison Vermillion
場地提供︰嚐品慕茶
高正安了解中
對於李美慧早前更分享嫁個有錢人的看法，陸詩韻說：「每個人都有自己意見，我冇特別過濾，我覺得要嫁一個人，最重要係嫁一個自己心愛嘅人。」仍是盛女的她，自言不會夢想嫁個有錢人：「緣份到就到，我係個實事求是事嘅人，以前同男友出外食飯，佢畀十次我總要畀番兩、三次。我覺得唔可以次次人哋請，唔可以吓吓奉旨。」她堅持女性要獨立和自主。
陸詩韻與舞台劇演員兼魔術師、38歲的高正安於14年演舞台劇《千奇百解》時認識，她大方說：「大家係朋友，佢係一個好男仔，了解中。」對於兩人已了解四年，她笑說：「我小心嘛！要了解清楚對方。」自認性格男仔頭的陸詩韻，要另一半肯忍受她的脾氣。提到情路坎坷，她說：「我真係冇乜眼光，只可以話唔好彩。」
遇過錢銀轇轕
正做美容生意的陸詩韻，最近又有新劇播出，首次在劇中演奸角獲網民稱讚，她自言離開無綫九年，百感交集：「呢幾年做生意，經歷好多，遇過錢銀轇轕，再加上感情經歷，打擊好大。曾經有段時間，行出街就覺得人哋講自己，我試過去睇心理醫生，醫生幫唔到我，畀啲安眠藥我，叫我瞓好啲，收我幾千蚊，其實真係幫我唔到。」她形容這幾年間如坐過山車：「依家慢慢學識要同人傾，有前輩教我，唔好怕人講，唔好理人咁多，呢啲經歷確係令我成長。」
採訪︰羅婉玲
服裝提供︰Maison Vermillion
場地提供︰嚐品慕茶
回應 (0)
