新聞類別
財經
詳情#
【蘋果日報】著名眼科醫生林順潮旗下希瑪眼科（3309）認真架勢，公開招股獲得超額認購逾1,500倍，噚日掛牌更加係星光熠熠，新地主席郭炳聯、港鐵主席馬時亨、股評人陳永陸、「蘭桂坊之父」盛智文全部畀面到賀；但講到最吸睛，當然係林順潮位靚女太太李肖婷喇。
希瑪上市前已經獲新地同盛智文入股，郭、盛二人捧場都好合理，不過郭炳聯平日絕少踏足交易大堂，都算稀客。佢哋呢班財經猛人亦好識做唔搶fo，只係自己圍埋吹水影相。
主人翁林順潮全程就好似隻蝴蝶咁，喺唔同嘅嘉賓之間穿梭。等儀式做到七七八八，一班財金猛人嘉賓就好低調咁走人，順利將所有注意力留番畀林老闆。
做華姐評判結識妻子
老闆娘李肖婷呢日衣着都算低調，簡單黑色套裝，一副事業女性look。李肖婷2004年參選華裔小姐，林順潮咁啱做評判，兩人因此結緣，兩年後結婚。林太都幾事業型㗎，2012年開始做希瑪香港眼科中心總經理，翌年管埋深圳希瑪醫院，順理成章做埋上市公司執行董事。林太今年39歲，認真保養得宜。
李華華
LiWaWa@AppleDaily.com
希瑪上市前已經獲新地同盛智文入股，郭、盛二人捧場都好合理，不過郭炳聯平日絕少踏足交易大堂，都算稀客。佢哋呢班財經猛人亦好識做唔搶fo，只係自己圍埋吹水影相。
主人翁林順潮全程就好似隻蝴蝶咁，喺唔同嘅嘉賓之間穿梭。等儀式做到七七八八，一班財金猛人嘉賓就好低調咁走人，順利將所有注意力留番畀林老闆。
做華姐評判結識妻子
老闆娘李肖婷呢日衣着都算低調，簡單黑色套裝，一副事業女性look。李肖婷2004年參選華裔小姐，林順潮咁啱做評判，兩人因此結緣，兩年後結婚。林太都幾事業型㗎，2012年開始做希瑪香港眼科中心總經理，翌年管埋深圳希瑪醫院，順理成章做埋上市公司執行董事。林太今年39歲，認真保養得宜。
李華華
LiWaWa@AppleDaily.com
回應 (0)
