林珊珊母女感情超好，拍攝現場笑聲不絕，台前幕後開心度過拍攝工作。
娛樂公司高層林珊珊，除了要照顧鄭伊健、草蜢、王菀之和蘇麗珊等藝人外，還有主持電視節目及客串電影，其女兒李澄(西瓜)亦曾公開投訴媽咪檔期難約，有時更慘被放飛機，近日兩人「母女檔」為首飾品牌母親節系列拍短片，西瓜成功「獨霸」媽咪一日好開心。
工作人員問珊珊最理想的母親節慶祝方法，她笑說：「盡量大排筵席，七、八圍少不免，一齊嚟啦！」她又乘機向女兒暗示：「其實做媽咪最需要係愛心、關心……同埋現金！唔好再送嗰啲icard俾我……」西瓜更正她：「嗰啲叫e-card，唔係icard呀！」西瓜先又唱鄭伊健的《一個為你甘去蹈火海的人》冧媽咪：「『一個為你甘去蹈火海的人』即係指我哋，『必再回來會他熱戀的戀人』即係佢愛人啦，佢真係好忙㗎！」珊珊笑指其歌喉「一定嚇親鄭伊健」！至於今年母親節點慶祝？珊珊說：「我唔喺香港……」西瓜說：「嗱嗱嗱，我都話媽咪好難約，即刻示範啦！」兩母女表面上互相投訴，事實在向對方撒嬌，非常sweet！