台上跳完勁舞，草蜢嗱嗱臨飲返杯奶補鈣。
草蜢成軍34年，首次合作賺奶粉錢，為奶粉品牌拍廣告，穿上西裝的草蜢三子，在三角形舞台表演強勁舞蹈後，即飲代言奶粉補鈣，蔡一智稱，由於草蜢要好好保護骨骼來跳舞，所以要經常飲奶補鈣，仲話開世界巡演靠晒奶粉。
蘇志威、蔡一智和蔡一傑等，雖然平均年齡53歲，但體能勝過很多年輕人，除了勤力練「舞」，他們還非常注重養生，講究飲食的蘇志威說：「飲食質素好重要，呢啲叫做補養得宜！」熱愛運動的傑仔表示認同：「平時我哋游水、打波、跑步、行山……咩運動都做，要好好保養肌肉，骨骼和關節。」精明的蔡一智說：「我哋一直都有飲好多奶去補鈣，奶粉就方便好多，可以帶埋去做世界巡迴演唱會，真係可以有排跳！」
狂泵奶粉提高演出水準
草蜢的確停不了，單是這個11月，《17385 世界巡迴演唱會》就要跑3場，從馬來西亞雲頂唱到美國，據悉下星期周末雲頂站原來是「Encore版」。蔡一傑說：「因為好多Fans投訴買唔到飛要求再搞，所以咁快就返轉頭再開騷。」談到由三十幾度的雲頂，飛到冰天雪地的美國，體能適應很重要，蔡一智續說：「所以我哋會每日飲奶粉係咁泵，交足百分之200精彩節目俾Fans！」
蔡一智做世界巡迴演唱會時，要隨時隨地補鈣。