草蜢將會開演唱會，一向有做開Gym嘅蔡一傑自覺做Gym做得太多，想做瑜伽拉返鬆啲筋，咁要搵瑜伽導師，當然就係搵林德信(Alex)，今次仲係玩高溫瑜伽。
蔡一傑上載咗兩條片到IG，上集中嘅傑仔仲有着衫，又預告一陣會除衫，但林德信已經除咗，片段中可見同場有好多同學仔，有男有女仲有外籍人士。話咁快下集登場，兩位男士除晒衫又面紅紅，傑仔把聲都沙埋，佢話玩到全身濕晒，因為玩嗰陣有41度，就算玩完個場都有33度，熱到除衫就係咁解。
最後廣告環節，傑仔話林德信係魔鬼教練，但好幫得手，仲話大家想玩瑜伽，就要搵LAM仔即係ALEX，臨尾仲提多次要大家留意佢嘅IG，以為睇緊宣傳易添。
星島新聞集團慶回歸25周年專題網站，請即瀏覽
立即下載 | 全新《星島頭條》APP : https://bit.ly/3yLrgYZ