組合草蜢成員蔡一智與太太周雪芳於2006年結婚，一家五口非常幸福！唔經唔覺，佢哋已經結婚15年，為慶祝「水晶婚」，兩公婆喺中環舉行派對，見佢哋同三個仔女着到靚一靚，周雪芳更性感上陣，大晒馬甲線，身材好到不得了。蔡一智仲將靚相放上社交網，只見相中蔡一智輕吻老婆額頭，又切蛋糕慶祝，非常溫馨，蔡一智仲留言：「激情永在，永浴愛河！」網民即大呼羨慕，希望佢哋一直白頭到老！
東網網站 : https://on.cc/東網Facebook專頁 : https://www.facebook.com/onccnews/