《美麗戰場》｜方力申重遇「阿寶」被催與鄧麗欣復合 有諗過但冇行動：人要向前看

方力申入行以來緋聞不多，懂得投資又有人生目標，加上孝順父母，理應是「筍盤」。最近在無綫劇集《美麗戰場》中，其角色龐振宇的人生亂得一團糟，與父親不睦，同時陷入三角戀。

{{hket:ul-video id="6735"}}{{/hket:ul-video}}

{{hket:inline-image name="03.jpeg"}}{{/hket:inline-image}}

單身5年的方力申，當年與麗欣同屬一間唱片公司，被塑造成熒幕情侶，合唱情歌又拍過葉念琛導演一系列愛情電影如《獨家試愛》、《十分愛》和《我的最愛》等。他們日久生情成為戀人，漸漸被視為娛樂圈一對金童玉女。不過拍拖10年，最後哭着宣布分手，童話夢碎。

{{hket:inline-image name="16.jpg"}}{{/hket:inline-image}}

旁人覺得是遺憾，「翻撻」之聲此起彼落，他的老友們爭着打賭，方力申阻止不了，沒好氣的說：「好多朋友打賭啦...賭復合嘅多不勝數，佢哋講埋下注幾多錢，講幾多年後（復合）。都過咗咁多年，感情係冇得勉強嘅。呢段日子有冇諗過同前度喺番埋一齊？有諗過嘅。其實唔止我啦，每一對情侶分開，如果認真過嘅，初時一定覺得可惜，可能有啲人會憤怒...最後放低咗，諗起嘅都係好美好嘅回憶，可以話係緣份囉！有可惜有遺憾，雙方都要Move On，歌都有得你唱，『放下從前一段感情，才能追求將來』...」

{{hket:inline-image name="19.jpg"}}{{/hket:inline-image}}

再見亦是朋友，當然也望前度安好，鄧麗欣跟台灣藝人邱勝翊拍拖，同告分手收場，方力申不願多談。年過40歲的他，學人玩交友App，曾自爆「冇人吼」，得個玩字，從沒約會，「好多人都以為我想拍拖，其實我又唔係好想拍拖。我想遇到一個互相欣賞對方嘅人，冇諗過自己咁耐都冇拖拍。」說罷還掏出紙巾作狀抹眼淚。

{{hket:inline-image name="01.jpeg"}}{{/hket:inline-image}}

方力申與鄧麗欣媽媽保持聯絡 朋友們發舊照谷復合：食花生啫【下一頁】

美麗戰場｜蔣家旻奸到出汁惹民憤 被鬧反而開心：希望越嚟越憎我【下一頁】

失去了「第一代阿寶」，2022年，拍《美麗戰場》又遇上了阿寶（陳瀅 飾）。出生於大家族的龐振宇，對女方用情專一，惟父親不容許他與藝人談戀愛。方力申與王菀之多次合作（《綁架丁丁噹》、《我的情敵女婿》與《你咪理，我愛你！》），而佘詩曼（《人約離婚後》）也曾是他人生中的「阿寶」，他說︰「咁多個阿寶入面我最鍾意邊個？我而家坐喺度接受你訪問，就梗係陳瀅呢個阿寶啦！我哋識咗好耐，傳過緋聞到而家合作，演過情侶又做夫妻。由朋友到一齊工作，感覺都幾得意。」他爆料指陳瀅工作時有阿姐風範，連導演也稱呼她做瀅姐。他鐵定地表示不會比較，又突然大笑地說：「問我邊個好錫啲？你咁絕嘅，冇諗呢啲嘢，我哋專業嘅演員點會諗邊個好錫啲？我哋真係好專業...係，冇錯。」

{{hket:inline-image name="03.PNG"}}{{/hket:inline-image}}

{{hket:inline-image name="01.PNG"}}{{/hket:inline-image}}

沒有拍拖，他不感寂寞，一直有參加先進泳賽，在自己分齡組別保持了100米背泳、200米蛙式紀錄，不斷挑戰自己，追求好成績。現時仍有目標，就是挑戰國際賽事，「我都想再練水，破其他紀錄。有啲賽事，會有外國國家隊運動員來香港參賽，好多賽事都有呢類型高手，令自己更有動力練習！」

{{hket:inline-image name="01.jpeg"}}{{/hket:inline-image}}

在《美麗戰場》中，龐振宇指着父親龐國棟（姜大衞 飾）破口大罵，現實中方力申堅持負起做大仔要照顧家人的責任，盡量每日與家人食早餐。人無完美，他也自覺有不足，「真係對住父母...有時講嘢語氣唔好啦，未衰到畀雷劈嗰種。講完某啲說話，真係有雷聲，只係未劈落嚟咋！」父母曾經當面訓斥，自此自我檢討，盡量收歛，學懂珍惜與家人相處的時光。

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】 

撰文：王連連

Make up: Yen Lai

Hair: Kin Tam@ILCoplo

Outfit: Evisu