方力申與鄧麗欣媽媽保持聯絡 朋友們發舊照谷復合：食花生啫

方力申（小方）和鄧麗欣（Stephy）這對經典熒幕情侶曾拍拖十年， 2016年分手，早前《獨家試愛》上映16周年，小方特別在網上撰文感謝舊愛，事後有不少網民力推兩人復合；小方昨日出席公開活動，笑言網民只是想食花生，更大爆他和Stephy的共同朋友都經常「撥行扇」，但他強調和Stephy已昇華為朋友。

同場加映：人間飄浮丨黃劍文一步之念 險隨母親做傻事 學懂珍惜：愛真係要講出口

{{hket:ul-video id="5897"}}{{/hket:ul-video}}

小方今日（8日）到鰂魚涌出席活動，委任為大腸癌篩檢測試代言人。今年42歲的他，自從與Stephy分手後一直單身，雖然偶有緋聞傳出，都只是煲水新聞。小方被問到父親節是否相約父親慶祝？他直言爸爸不重視節日，他每天早上都會和爸爸歎咖啡，近日又陪爸爸看NBA球賽，問到爸爸有沒有追問兒子戀情著落？小方無奈謂：「無喎！佢放棄咗我好耐，我都好關注自己感情，真係搵唔到……（好難搵？）我覺得難呀！溝通最緊要，我哋做呢行好難咁主動識一個人，都係好被動，鍾意一個人又要內外兼備，所以就更難；如果溝通得唔好，拍拖都唔一定會開心。」

{{hket:inline-image name="f1fc3ea6-2fc5-4695-b404-10549f04b10b.JPG"}}{{/hket:inline-image}}

早前小方、Stephy和友人聚會，問他跟女方可有感覺？小方透露：「嘩！我唔敢答你呢啲咁details嘅問題，我哋係經常見面，幾個月就見一次，一年都見好幾次。（網民好想你同Stephy復合）佢哋食花生啦梗係！（你自己想唔想先？）我冇諗呢啲嘢，我哋出嚟聚會永遠都係嗰班朋友，嗰班朋友成日笑我哋……大家識咗十幾年，成日笑我哋……又會喺group度send以前啲合照出嚟。（朋友都想你哋復合？）都係食花生啫！我哋兩個都冇嘢，淨係喺度笑囉！（真係冇乜感覺？）朋友囉……我都好關心佢同佢媽咪健康，過年過節都會傳短訊畀佢媽咪。」

另外，小方透露自己39歲第一次做大腸檢查，惟一年後發現大便出血，所以再做多一次檢查，他說：「我第一次檢查時有兩粒瘜肉，醫生幫我割咗，但年幾之後發現自己屙血，醫生叫我再去檢查，後尾發現……我食咗麻辣火鍋，去廁所時有粒痔瘡爆咗！粒痔瘡喺裡面，唔使割。我之後都繼續食麻辣火鍋，冇戒到。我呢個年紀開始見盡生老病死，都會注意身體，每兩年一次身體檢查，驗血就一年驗一次。」

採訪：倪小珊

圖片來源：東星娛樂