或由林健文余德寶輪任
早前有指曾擔任葵青區議會主席嘅民主黨單仲偕建議,將主席任期由四年一屆改為兩年一屆,隨後亦有其他嘅區議員都表態支持,例如大埔區。據了解,油尖旺區或會推行輪任區議會主席,有傳將由區內較資深嘅獨立民主派林健文同公民黨余德寶輪任。
至於其他區方面,東區區議員趙家賢亦係主席人選之一,但尋日被問到任主席傾向,佢就話所屬嘅民主黨唔會為搶位而搶位,希望可以盡力促進新任議員順利展開區議會嘅工作,仲話同新任議員集思廣益後先會決定人選。