陳智思解釋,因為兩個仔要自己做家務、煮飯食,事關由佢哋幾歲大開始,太太就覺得小朋友喺工人姐姐嘅服侍下,好難獨立成長,所以自此屋企就冇請工人。佢仲笑稱最唔適應嘅係佢,仲同太太建議請一個工人姐姐畀佢,結果梗係被否決喇!
講起青少年問題,同場嘅監警會成員劉文文就話自從佢加入監警會之後,第二年就遇到佔領行動,青少年問題變得好敏感、好嚴肅,於是監警會就開始主動到學校同青少年溝通,佢話班學生嘅反應好正面,唔係想像中咁反叛。