其實由上屆開始,前會長周振基已經於商會內成立婦女委員會,可見商會對女成員同樣重視。Winnie補充話,雖然佢哋備受重視,但仍不忘秉承潮州女性嘅優良傳統,做一個入得廚房出得廳堂嘅溫柔女子,在家相夫教子,喺商會就輔助其他成員。卓妮仲記得,Winnie閒時潛心佛學,曾兩次倡贊佛舍利及佛頂骨舍利赴港祈福。
新會長張成雄被讚「三良」
當晚出席就職禮嘅嘉賓眾多,包括勞工及福利局局長張建宗(小肥張)等官員,仲有香港科技大學校長陳繁昌等。小肥張致詞時賣口乖大讚張成雄係「三良老闆」,有良心、有「糧」出、又善良,仲話當年張成雄結束經營三十年嘅酒樓時,竟有員工掉轉頭花錢買咗塊金牌畀老闆,令佢印象深刻喎。
卓妮