孫大倫認為,陳復禮最令人稱道嘅係「影畫合璧」嘅主張,即係將畫意融合於攝影嘅寫實當中。正因為陳復禮擁有精湛嘅攝影技巧與美學涵養,故此佢嘅作品洋溢濃厚嘅國畫韻味,受到推崇實屬理所當然。本身係攝影發燒友嘅霍英東長女霍麗萍話,大師鏡頭之下嘅神州景色特別美致,令佢都想前往內地拍攝快將消失嘅古城古鄉。
姪孫陳正欣捧為榜樣
原來保良局總理陳正欣係陳復禮嘅姪孫,佢話大師十多年前宣告退休就係佢剛習攝影之時,所以未能從呢位長輩上學到一招半式。但陳復禮對於藝術嘅堅持與追求,就好值得佢倣效。
卓妮