亞視因拖糧令到員工怒吼，雖聲稱今天盡量出糧，但藝員袁潔儀、劉錫賢、蔡國威、劉家聰、馮家俊、蔡梓銘和剛離開亞視的張家瑩就一於少理，昨日自發性相約食團年飯，還特別邀約他們敬重的前亞視執董葉家寶出席，潔儀甫見家寶即相擁互勉，而威仔則連聲恭喜，但笑言亞視人不宜講「財源廣進」，因與「裁員」同音而不吉利，劉錫賢就希望亞視員工人人可食豐富團年飯，家寶於席上更寄語現任執董馬熙，並就其言論指要珍惜員工，並稱希望今天有奇迹，可以向員工發放薪金。

而未獲珍惜的前員工張家瑩，昨日更勞氣稱約滿當日都未能與亞視「好嚟好去」：「冇糧出仲要扣我兩日人工，又話我唔係星期二last day，但公司又唔出最後工作日期嘅通知信畀我，佢哋可能喺扣假出現混亂！」另兒童節目《我們這一班》卻在四個月未有糧出的情況下繼續運作，主持劉家聰和楊正軍昨日繼返亞視錄影。

場地：百樂潮州酒樓