娛樂炸彈： 李珊珊 都入唔到私院，更何況普通人

港姐冠軍 李珊珊 喺出席東華三院活動果陣，炮轟公立醫院如戰場，私家醫院有錢都入唔到院。 李珊珊 唔係一般人，佢係有名嘅明星，佢真係有病要入醫院，而且應該相當棘手(未必係腦癌，更可能係一啲免疫系統或內分泌失調嘅問題，可以極為磨人，佢有嚴重濕疹跟，明顯指向呢樣嘢)，都入唔到醫院，遲早有人要惡搞Downfall果一幕。

李珊珊 點解連私院都入唔到

李珊珊 應該有錢入私院，但問題係，你有錢都未必有用，正正係單程證、專才簽證加Medical Tourism三樣嘢夾埋搞到咁大鑊。喺公立醫院，單程證搞到急症室爆煲，跟住成堆中國有錢專才，自己去睇，又帶埋啲親朋戚友嚟睇，養和都唔一定有床位俾你。我都話，喺以前，未搞到成堆自由行落嚟香港前，去銅鑼灣聖保祿醫院門診部，深夜嘅話，你五至十五分鐘內見到醫生，由到醫院一刻計，半個鐘內可以攞到藥走人。大佬，你依家深夜去睇都等一至兩個鐘，記住，係深夜，成堆中國細路同你爭住睇。你明點解 李珊珊 連私院都入唔到，港姐冠軍都入唔到私院，你話香港人係唔係無攞Downfall cut唔到有線果幕嚟個三次創作，都已經好好人。

所以由 李珊珊 嘅經歷睇，要徹底源頭減人，要四管齊下，邊四管：

1. 以求醫為理由嚟港，必須得到香港簽證至可以申領雙程證，無醫生紙以及香港簽證，不得嚟港就醫。
2. 唔准香港受資助院校畢業中國學生留港。
3. 專才簽證全部取消，簽證滿咗嘅，送返中國。
4. 單程證配額大幅削減至五十，並收回審批權，或者用 Hong Kong Entry Visa + Chinese Exit Visa呢個組合取代單程證。無Hong Kong Entry Visa都唔可以單憑Chinese Exit Visa進入香港。

依家係公立醫院爆，私立醫院都爆，私家醫院收唔切啲病人，又會回流番急症室以及公立醫院，結果係爆上爆，所以係徹底源頭減人，不分階級，啲左膠唔好話我向弱勢開刀，因為有錢果班，我都唔想要，最好唔好嚟，我係一視同仁嘅，唔好轉移視線。 李珊珊 嘅實例，話俾大家聽個嚴重性。