小巴牌 早一輪炒到飛沙走石，但依家似乎越跌越有，據聞因為中環中心搞到一鑊泡嘅馬亞木，將部分紅頂沽出，叫價連陀地入線費210萬。但210萬買架車連牌，邊度賺到返嚟？有人要為中環中心單嘢融資之下，睇嚟都小巴牌會係咁跌，啲銀行應該十分之頭痕。
小巴牌 係咁跌嘅背景
其實 小巴牌 係咁跌，除左因為馬亞木要撲水救亡，亦同紅頂小巴好難賺錢有關，如果政府唔鏟除潮聯呢啲人，紅頂應該好快死，條數好簡單，依家210萬架車，有30萬係一年入線費
每月入線費：300000/12 = 25000
每日入線費成本：25000÷30 = 833
人工連油錢，每日2400係走唔甩，你邊度死2400蚊一日收入嚟，我當十蚊一程車，你要有13轉車滿客，先可能有機會維持到成本，我仲未計維修各類雜費，即係隨時16轉車滿客至有機會有錢賺。每個鐘兩轉，扣除入油、休息等時間，你點賺，所以無可能計得掂條數。特別喺觀塘線延線，同港島線西延線通車後，邊有十六轉車俾你搵，你話扣除咗入線費，可能仲有肉食，但唔玩入線費，咁不如做專線小巴好過喇。
所以馬亞木撲唔撲到水，我好懷疑，相反，因為呢啲沽牌動作，最終結果係 小巴牌 牌價係咁跌，屆時銀行就真係喊得一句句，因為銀行有好多資產係呢類抵押品，依家抵押品價值大跌會唔會搞到銀行系統一鑊泡，好多人都忽視咗呢個風險，政府以為呢個世界只有鐵路係萬能，迷信鐵路萬能嘅結果，好可能就係銀行系統仆到直，最後政府為咗間港鐵公司，付出唔成正比嘅社會代價，咁又何苦呢？
但可以肯定嘅係，政府應該係睇實馬亞木嘅財政狀況，因為作出一啲本業以外投機行為而搞到一鑊泡嘅友仔，其實並唔值得可憐。
後話：果啲話我敗走嘅仆街，我本來唔想講我喺德國嘅業務，但我漏少少，我業務係同交通有關，交通工具係我本業一部分，其實我鏟韓國瑜鏟到講運F1，啲人都唔知我做乜，我真係覺得香港低質五毛好多。我唔會傻到放棄原本嘅業務去創業，但我亦唔駛收人維穩費。但如果有人要歐洲空運私家車，我係做得到。