好多人或者會奇怪點解一個長年嘅獨派，會聯署 劉曉波 發起嘅零八憲章。其實熟知 劉曉波 都知，佢對中國文明成個OS嘅問題，係十分之洞若觀火。 劉曉波 發表過中國人應被殖民三百年，以及引用共產黨工人無祖國嘅講法批判民族主義。 劉曉波 絕對唔係大中華膠，相反，佢係獨派應該要去支持嘅一個人。
劉曉波 好知道中國OS出乜問題
劉曉波 嘅殖民三百年論，原文係出自開放雜誌
問：那甚麼條件下，中國才有可能實現一個真正的歷史變革呢？
劉曉波：三百年殖民地。香港一百年殖民地變成今天這樣，中國那麼大，當然需要三百年殖民地，才會變成香港這樣。三百年夠不夠？我還有懷疑。
問：十足的「賣國主義」啦。
劉曉波：我要引用馬克思《共產黨宣言》的一句話：「工人沒祖國，決不能剝奪他們所沒有的東西。」我無所謂愛國、叛國，你要說我叛國，我就叛國！就承認自己是挖祖墳的不孝子孫，且以此為榮。
問：你是說，中國還要走香港的路？
劉曉波：但歷史不會再給中國人這樣的機會了。殖民地時代已經過去了，沒有人會願意再背中國這個包袱。
其實 劉曉波三個回應，已經講晒三樣嘢：
- 香港文明變革嚟自英國統治(同後嚟台北市長柯文哲教授嘅殖民論)
- 佢唔係乜嘢愛國者，大中華膠切勿誤會，佢以叛國為榮都得，你成棚大中華膠敢咩？
- 世界無一個國家想孭呢個膠國。其實大家都知，英國人係管印度管到怕，走夾唔抖，其實甘地唔搞抗爭，英國佬遲早都會因為太膠而走。更何況中國？邊個國家想佔領中國？
劉曉波 係好知道中國成個文明係出咗問題，令好多變革根本無法成功，上世紀八十年代，係探討中國人作業系統問題最踴躍嘅年代，有柏楊嘅醜陋的中國人，又有劉曉波嘅殖民三百年論，又有龍應台嘅野火集。如果果陣中國人，可以透過果堆討論自我改進，至少實現民主改革，或者仲好啲，但依家 劉曉波 都搞成咁，龍應台投共，柏楊一早騎鶴西去，呢方面嘅討論喺香港都會被批鬥，柯文哲係一個阿氏保加症患者，所以乜都唔怕講。
所以鄭松泰無聯署立法會泛民關於 劉曉波 保外就醫嘅呈請書，有啲人係真激進，定係假激進，其實好易有定論。