網民熱話：病人限睇一種病　無品醫生離晒譜

近日天氣忽冷忽熱，不少市民「中招」要到私家診所看醫生，有網民就分享了自己在大圍一間西醫診所的不愉快經歷，憶述醫生「一次唔睇兩種病」的無醫德行為。該網民指日前因喉嚨不適首次到該診所求醫，其間向醫生表示腰間有紅疹，豈料醫生稱：「我係唔會幫你睇兩個病，一日只係幫你睇一個病。我日日都開門，要睇另一個病下次再黎。」令網民相當愕然。

該網民表示，日前她到該診所時，遇到一連串不禮貌對待，首先在登記資料時，診所護士「大大聲」逐條查詢，該網民刻意「細細聲」回答，但護士卻高聲重複其答案，結果整間診的人，都知道其地址、電話號碼及體重，令她相當不滿。

其後，該網民進入診症室看醫生，醫生看一看她的喉嚨再問幾句病徵就指她患上感冒，喉嚨有發炎，該網民又稱因腰部有紅疹，紅紅腫腫又痕又痛，已維持一段時間，但因工作太忙無暇求醫，這天感冒請假，希望可以一併醫治紅疹問題，惟醫生堅拒為其診治並稱：「既然都腫咗一段時間，唔差在忍多兩日下次嚟睇，總之我係唔會睇。」該網民直斥：「咁嘅醫生都有？見住病人有病都唔醫，離晒譜！」

事件引起大批網民熱烈討論，有網民批評醫生做法不當，無視病人病情及感受，「傷風、流鼻水、發燒、頭痛、喉嚨痛、多痰、究竟分幾多次啊？」有網民則指若遇上如此「HEA爆」的醫生，一定「無下次」，會改向願意細心診症的醫生求醫。

網民有話說

Charmaine L Charz：咁搞笑嘅，即係如果咳同腸胃炎要分開兩次睇？

Ching Ching Cheung：態度差冇心醫冇醫德，唔願做就摺啦，唔好害人。

Paul Ying：應該同佢講，醫生呀，我感冒同喉嚨發炎令我個身出紅疹呀……點解嘅點解嘅！

Gigi Lau：咁即係有傷風同咳要分開睇呀？咁都有架!

Van Ip：藥都唔好攞，唔睇，一蚊都唔比走人。

※緊貼網民熱話，掌握最熱話題，請關注網民熱話fb：