蔡卓妍甘心貼錢同偉仔談情　裝假狗奇峰凸出

女星蔡卓妍（阿Sa）於英皇電影《金手指》演「電眼影帝」梁朝偉背後女人，笑言能夠與偶像同場演出，絕對是付錢也買不到這個難得的演出機會，而首天便與偉仔同場演戲，阿Sa以成熟打扮亮相，她說：「我一早同自己講唔可以畀自己壓力，以免影響角色上表現，亦唔可以用fans心態去面對前輩，戲中我唔係阿Sa，我係演緊角色，當然我都會趁機偷師啦！」拍攝當天，阿Sa於現場也不時細心觀察對手偉仔及白只的演出，給自己上了一堂演技課。

片中演偉仔另一半，造型師為阿Sa亦花了不少心思，打造一個不一樣的她，身材奇峰凸出、渾身散發女人魅力，阿Sa親自描述這身造型說：「今日場戲大概係我角色，廿幾歲就做咗上市公司主席，所以感覺比較穩重啲，其實今次我戲入面嘅髮型，大部份都係特別設計嘅假髮，就連身形方面都成為我人生高峰點，好豐滿，之前成日都覺得自己手臂肥咗，但戴咗假胸之後，發現自己成個人都好瘦，原來之前唔係肥，係個胸唔夠大！」