星玄︱蔡卓妍水着見事業線　迷人出浴照內藏玄機！

今日係7月23號，農曆六月初六，適宜補垣，如果屋企有嘢要維修或者裝修，今日會係個唔錯嘅日子。幸運數字係1、20、25，最旺生肖係狗，咁多位狗仔狗女偏財旺。蔡卓妍（阿Sa）就係屬狗，一向活躍喺社交平台嘅佢，早排除咗分享同屋企人去旅行嘅點滴之外，仲大派福利，少有咁post泳衣相同片，同大家分享佢條事業線，搞到班網民睇到心心眼。返到香港阿Sa仲去咗Staycation大拍出浴照，大家唔好諗多咗，佢係有着住浴袍影相架，但係就喺鏡中反射出一男子身影，估計係富貴男友石恆聰（Anthony）負責揸機啦，咁sweet加上今日偏財咁旺，不妨去買六合彩試試手氣。

今日嘅幸運之星係水瓶座，佢哋財運極好。水瓶座嘅鍾欣潼（阿嬌），不嬲都工作至上，長期北上掘金。財運一直都高企嘅阿嬌，早排就畀人影到係街上面，同一名中性打扮嘅女仔同行，原來對方係內地網紅 「皇甫聖華」 ，佢亦係時尚界寵兒，相信阿嬌都想向對方取經，喺時裝界繼續吸金，果然財運極好。白羊座今日都唔差架，記住要保持樂觀，面帶笑容，會容易獲幸運之神眷顧。