天后容祖儿今日（16日）生日同步宣布，8月23日《ANOTHER SIDE ……JOEY•MY SECRET•LIVE》加开一场慈善场，实行一边娱乐一边行善，这场演唱会的部分收益及祖儿的歌酬，将分别捐曾五间善慈机构。祖儿表示自宣布将举行演唱会以来，门票一直都是供不应求，不停有歌迷要求加场，但场地档期有限，研究之后发觉只可以加多一场，忽发奇想如果呢一场加场变为慈善场，相比起歌迷每年都花钱给她送礼物，会更有意义，而且大家仲可以在演艺学院相聚多一天。目前她已经选定了五间慈善机构，受惠者包括长者、小朋友、单亲家庭及受工伤或精神疾病等，希望不同阶层及年龄层都照顾到及得到帮助。

祖儿说：“2017年嗰次演唱会都做过一次慈善场，当年已经觉得好开心同好有意义，所以今次都应该要延续呢份精神。今年生日愿望就系同歌迷一齐行善，同公司商量过，可以透过今次慈善场拨捐港币100万，由我嘅慈善基金会负责，略尽绵力。”今年如何庆祝生日？她说：“人大咗已经唔会以前咁搞大形生日派对，阿Sa（蔡卓妍）同Kenny（关智斌）已经同我食饭庆祝咗，阿娇喺大陆工作，但系都好有心送咗生日礼物畀我，冇谂过大搞庆祝啦，围内SECRET LIVE吓，能够同好朋友倾吓偈，大家冇穿冇烂过得好好就已经好开心啦。正日就同屋企人过啦，因为过去嗰几年都唔系年年可以喺香港，今年喺到就一定系同屋企人一齐过。自己愿望都好简单，演唱会顺顺利利啦，身体健康啦，屋企人同朋友都幸福快乐啦，就已经好幸福㗎啦。”