蔡少芬520晒全家福　張晉極級麒麟臂好睇得

內地男星張晉上月初因拍動作戲受傷，依家左腳小腿打石膏，行動非常不便，而老婆蔡少芬亦參加緊內地節目《乘風2023》，同成班「浪姐」鬥餐死，唔好以為佢哋咁就各有各抖，各有各忙，今日迎嚟520「諧音：我愛你」浪漫日子，佢哋都決定舉家一齊過，因為原來尋日（19日）係張晉49歲生日，梗係要全家一齊慶祝啦！蔡少芬仲晒出全家福：「張生！生日快樂！我的愛全給你了！❤️❤️#夏日告白季# ​​​」不過網友嘅重點反而唔係佢哋幾咁幸福，而係睇到張晉一對極級麒麟臂，直頭粗過唔少女士小腿，雖然睇唔到佢打咗石膏嘅腳，不過反而更感受到佢帶嚟嘅「安全感」！