西瓜孖林曉峰再合作　默契程度仲高過同媽咪林珊珊

藝人林曉峰（阿Lo）與家姐林珊珊大女西瓜（李澄）為電視台拍攝一系列宣傳片，西瓜説：「阿Lo拍呢啲駕輕就熟，平時我哋喺屋企佢都試過帶住我哋一齊練習拍嘢，不過次次都畀媽咪（林珊珊）打斷潑我冷水。但係今日都有少少壓力，因為要一鏡直落，要排練走位，好彩同阿Lo好有默契，所以呢個鏡頭一日之內拍晒，成條片都係拍咗4日半。」

原來阿Lo已經是第2次同外甥女合作，之前去過杜拜拍旅遊特輯，今次拍宣傳片，負責畫外音的「高人」林海峰就仍然係見聲唔見人，西瓜説：「下一輯一定要搵埋媽咪，佢應該恨咗好耐，我都好期待喺鏡頭前面話番佢『爭住睇電視』、『唔畀我煲劇』。」阿Lo和應説：「咁仲有我舅父啦（狄龍）、表弟啦（譚俊彥）同我大佬（林海峰），都可以邀請佢哋一齊出現喺呢個屋企，咁就好啦。不過我就暫時唔會邀請曾志偉先生嚟加入拍攝，等佢喺嗰邊做耐啲先啦，聽講話新簽約嘅歌手可以自由亮相其他電視台，咁希望未來演員、工作人員都得啦，成個香港演藝圈大融和就好啦。」