【40億千金】蔡頌思棄家族生意　入娛圈追夢

已故百億「海產大王」蔡繼有的孫女蔡頌思（Jocelyn）雖然系出名門，但身為「富三代」的她卻立志當一位演員！Jocelyn坦言父親蔡冠深最初反對她加入娛樂圈，認為這個行業只可以「玩玩吓」，反而希望她可以繼承家族生意，幸好媽咪一直從旁游說，才令父親改變看法！

自小喜愛演戲

Jocelyn樣子甜美、語調斯文，一副大家閨秀模樣的她除了爺爺來頭勁之外，父親蔡冠深更是中華總商會會長，亦是香港新華集團主席，估計其父個人身家已超過40億，雖然有富爸爸撐腰，但Jocelyn卻選擇「棄商從演」，全因為自小已喜歡演戲：「媽咪覺得我太靜，佢想我唔驚喺人哋面前講嘢，於是叫我參加多啲公開表演，後來我喺舞台上面覺得自己可以做唔同嘅角色，慢慢培養咗呢個興趣。」

朋友點醒可以靠父母

直至升讀大學，有朋友問Jocelyn畢業後想從事甚麼行業，她竟不懂回答，朋友就很現實地跟她說：「你Daddy、媽咪可以Support你，你可以做自己鍾意做嘅嘢。」畢業後，Jocelyn亦曾當過辦公室女郎，但發現真的不適合自己，於是投考演藝學院，正式踏上追夢之路。

為萬希泉設計手錶

當表明心迹想當演員後，Jocelyn的父親卻表現憂心，還反問愛女：「你認真㗎？」Jocelyn說：「佢以為我講笑，佢覺得做藝人係掛住玩，唔係真正嘅工作，玩吓就得。我話我好鍾意做戲，媽咪就好支持我，媽咪同Daddy講，你個女細細個已經鍾意呢啲嘢，佢鍾意嘅嘢應該支持佢，佢呢個年紀你唔支持佢，佢都會照做！」蔡爸爸惟有對Jocelyn說：「最緊要你開心。」除了演戲之外，Jocelyn亦很有藝術天份，最近她就為萬希泉設計以美人魚為主題的手錶，可謂多才多藝。

與影帝合作獲益良多

最近Jocelyn更有份參與一套內地電影，跟古天樂、吳鎮宇等影帝合作，令她感到非常幸運：「我演一個中學生，來自一個香港好普通嘅家庭，個女仔好刁蠻任性。」問到跟現實中的她相似嗎？Jocelyn笑言：「都似，不過呢個女仔係非常誇張地被縱壞。」她又指跟前輩合作，每次出場都很緊張，除了熟讀對白，當前輩「爆肚」時，亦要即場應變，令她獲益良多。

----------------------------

東網巨星開咗ig喇，大家快啲follow啦！

https://bit.ly/2JjSVcr