32C中印混血蔡宛珊　蜜桃臀又圓又翹！

藝人蔡宛珊（Sarika）有32C上圍與渾圓翹臀，為副靚body而下過不少苦功，模特兒出身的她有興趣出寫真，揚言只要健康性感，不介意挑戰性感極限以全裸上陣騷本錢。

不喜皮膚白

中印混血兒蔡宛珊（Sarika）擁有一身健康的古胴膚色，與一般女生不同，她從不以白為美：「雖然我媽咪係印度人，但佢係白種印度人，我係特登曬黑，覺得古胴膚色襯自己，我唔鍾意白，黑色感覺好健康，同埋睇落結實啲又瘦啲。我真係好鍾意曬太陽，就算冬天，我都會飛去熱帶嘅地方去曬太陽。」

影過「裸照」

擁有32C、24、35魔鬼身形的Sarika坦言好身材並非天生，除了長期戒甜及澱粉質之外，又經常做運動健身，問到最滿意身體哪部位﹖她謙稱﹕「我個人好追求完美，依家仲好努力咁去keep，不過我有好多朋友都讚我個臀部好靚，好圓同好翹，除咗天生，都要練，我好集中做手臂、腹肌同臀部線條。」問到會否有意出寫真以免浪費好身材？Sarika稱有機會也很樂意，並不介意尺度大膽：「我係做模特兒出身，好鍾意影靚相。依家三點式已經好小兒科，我唔介意健康性感，以前做模特兒我都影過三點不露嘅裸體照，係好有藝術味道嗰種。」

近年Sarika主力向司儀界發展，口齒伶俐反應快的她自言臨場應變是家常便飯，最爆一次是遇到醉酒高層：「佢走上台將我手上嘅提示卡丟咗，我要控制佢，又要打圓場，事後仲要憑記憶講番我要講嘅嘢。（好怕醉酒客人﹖）佢飲醉酒咪好囉，即係佢開心。」除了司儀工作外，Sarika最近跟ViuTV合作主持一個關於生活品味的節目，作多方面發展。

泳衣﹕NAMI Girl