大女30歲生日　林珊珊一家四口慶祝

草蜢經理人林珊珊同前夫李啟淦生咗兩個囡囡李澄（西瓜）同李怡（野人），9月29號就係大女西瓜30歲生日，呢個大日子當然要一家四口一齊慶祝，李怡尋日喺社交網上載全家福，留言話：「今年家姐生日，媽咪同我安排咗一個驚喜俾（畀）佢。我自己再搵咗一個機會去俾（畀）多個驚喜俾（畀）佢。由兩年前開始，佢成日好怕30歲嘅來臨或會覺得自己有好多事情上未做得好好。所以我想俾（畀）一個好嘅回憶佢，令佢回上起哩（呢）一日係會開心嘅。❤希望你感受到。什（甚）麼事情也好，我一直都會支持你❤ 家姐，我愛你」

睇相見到慶祝生日嘅現場仲掛住「30」字樣嘅粉紅色氣球，一家人笑得好開心，而西瓜亦有留言畀細妹：「gum sweet ge （咁Sweet嘅）i love you too」但就唔知野人口中嘅驚喜係咩呢？