名人：蔡加怡激讚大女聽話

玩具大王蔡志明千金蔡加怡以總理身份出席東華三院慈善晚會，同場還有蔡李惠莉、汪圓圓及蔡加敏。蔡加怡指兒子百日宴當日兩家人一起吃飯慶祝，但沒有開party。問到湊兩個小朋友是否很吃力？她說：「係幾嘅，依家畀仔仔嘅時間少咗，家姐因為返k1，要多啲時間陪佢，因為佢依家識要求爸爸媽媽做咩，想我陪佢玩。」又坦言少了時間與老公過二人世界，但會維持每星期其中一晚會一起吃飯。問到可會再生小朋友？她說：「暫時2個先，怕畀唔夠時間佢哋。」

提到大女已開學，蔡加怡表示女兒不會扭計要她湊番學：「佢好乖，我會解釋佢聽我要做嘢，佢就會明。（佢鍾意番學？）鍾意呀，鍾意同小朋友玩。」又指很難放下工作全職照顧子女。蔡加怡提到現時大家都會帶小朋友出席家庭聚會，非常熱鬧，她笑說：「好開心，爸爸媽媽之前同8個孫一齊影全家福，好搞笑，佢哋好難控制，冇人喊嘅，但唔係8個都望鏡頭。」