嚟緊周日 方仔又示範朝偉式誇張喪笑？

成日話人老咗面部肌肉會退化，所以唔會再有咁豐富嘅表情，但唔係呀，《金手指》戲入面梁朝偉擔住雪茄狂喜嘅表情，堅係卡通式誇張，而且仲有內心戲喇，戲入面角色程一言篤手指贏晒啲街外錢，果種由內至外嘅忘我亢奮，朝偉呢個笑容，完全演繹到出來冇漏呀。

講到忘我，香港馬圈有位贏完馬都好忘我，就係方嘉柏喇，唔知係咪買中兼買得大喇，好多時賽後影到佢，笑得誇情得嚟又好真實噃...大家試吓中成球嘢，可能都係咁架咋。

嚟緊周日，方嘉柏出9隻，其中第2場初出嘅「仁心星」，近2次試閘都跑第2，呢件綵衣向來急進，戰意亦都好旺盛，有餐士監生吞呀~第6場「日日獎」，今季兩度於泥地上名，上次卻跑谷草，今次兜個圈返來玩泥沙亦有冷味。

第9場「星運少爵」，自購馬來港3戰全入圍，剛剛初上1400米都得第3，有過經驗再爭同程，開齋可期。仲有唔可以數漏尾場城城匹「舞林密碼」，一而再在1400米追唔切，今次再上1600米，如果呢隻贏到，方仔一定攬住城城笑到見牙唔見眼呀~