【變出彩虹】第二場五班 有隻初跑泥地馬爆得！

第二場五班泥地千八，想敲敲冷門「威力琦」。此匹五歲霍廐愛爾蘭自購新馬，跑咗十仗尚未入過前列，但說實話，「威力琦」季內次次都係大冷門未有決心攻堅，表現卻不太差，今季從未大敗，所負距離只有2至5馬位左右，上次首次落五班跑千四，在薛恩胯下捐上馬林後追，餘勢不錯下敗於「喜多樂」二又四分三馬位，呢場五班賽時間快到1分22秒31，而且前幾名「喜多樂」、「利之喜」、「暴風俠」都有連串上佳成績交出，「威力琦」賽績開始有睇頭了，今次突改跑泥地加上天氣不穩場地或起變化，對此匹來自歐洲嘅馬或有幫助，今次配減5磅嘅黃俊負磅不重，全泥宴投注此匹冷門啱晒。曾炳威一家今季已先後有「勤德兼備」、「天賦威力」同上周「明欣賞」拉過頭馬，又睇吓曾向勤呢匹「威力琦」駁唔駁到纜？■靈駿