澳洲沙灘出現「外星生物」嚇到網民好不安

之前報道過澳洲昆士蘭因為今年突然吹起怪風，搞到成個海灘都充滿有毒嘅水母，非常嚇人。至於另一邊嘅澳洲海岸，西岸嘅Broome海灘就受到另一種生物嘅威脅。日前一位網民話喺海灘發現一種從未見過嘅奇怪生物，仲影埋相，當中呢隻有無數觸手嘅軟攤生物呈黑白色，帶少少透明，而且中間部分有一個類似口嘅樣，上面仲滿佈尖刺，望落非常嚇人。唔少網民都話好似外星生物，後來有一位曾經喺水族館工作嘅網民，就認出呢種應該係「杜氏海葵」（Striped Anemone），又名為「武裝海葵」（Armed Anemone），睇個名都知非同小可，原來係極危險生物，其觸手長嘅毒刺，一旦刺中人體，就會產生劇痛而且麻痹，需要接受專門治療幾個月先可以痊癒。呢種海洋生物分佈於澳洲西岸、日本、黃海等地，呢一隻相信係因為意外而帶上沙灘再受到陽光暴曬，以致白化成黑白色。大家如果喺呢啲地方見到，千萬咪掂呀！

呢隻就係網民喺沙灘見到嘅奇怪生物，令人不安。

平時喺海底嘅 「杜氏海葵」。

觸手長滿毒刺，一旦刺中人類，就會產生劇痛而且麻痹。

相關文章：

變賣家產改裝貨車 全家環遊世界兩年遊歷24國家

持槍婦人成功登機 美國直飛日本無人發現

利用動物吸引旅客 全球具爭議的動物景點

【立即讚好】全新 Yahoo 旅遊 Facebook 專頁

Yahoo 旅遊以全新樣貌登場，Facebook 專頁當然同時煥然一新！立即讚好，每日睇盡旅遊新資訊！