（本報訊）在討論區上有一名女子Tasha發文提及與前亞視高層盛品儒過往有段關係，該女子Tasha更聲言自己有BB。據知，盛品儒確實與Tasha是在婚前認識，而婚後仍保持來往。但月前其太太蔡一鳳公幹期間，盛品儒承認有相約該女子Tasha出來見面，但沒有詳細交代二人是否有深入關係。

據知Tasha向友人稱很鍾意盛品儒，二人經常在微信聯繫，當中更多次追問二人未來發展情況，但男方總是稱自己忙碌或在外公幹而拒絕與對方見面邀約，故令女方很不滿及自稱似「怨婦」。由於事件曝光，盛品儒被迫向太太交代事件，而且向太太認錯，還表示會為事件深切反省，更自嘲跪了成晚玻璃，雙膝破了。

據知，蔡一鳳對此事盛怒，因老公曾有前科，但亦無可奈何，只好選擇相信老公。前晚二人去了銅鑼灣睇戲解悶，相信盛品儒因知錯而十分識做，全程拖住老婆，期間表現親密，似乎經過冷靜後，蔡一鳳最後決定相信和接受老公的解釋。

但昨晚盛品儒與蔡一鳳在澳門出席活動，見蔡一鳳全程黑面，與盛品儒沒多大交談。

蔡一鳳以電話短訊回覆本報記者：「呢件事等我老公自己搞掂，始終係佢先清楚事件。（對方是否真的懷有盛品儒骨肉？）這個應該不可能，只是一起喝東西，呢位女士有點問題！」再問盛品儒有否向她認錯及原諒對方？她答：「你問我老公，他會識得答，呢個問題我依家其實真係答唔出。」此外，昨日Tasha在蔡一鳳facebook留言，要約她見面「講數」，對此蔡一鳳承認此事：「我叫老公當面打畀佢，我同佢講，叫佢唔好再騷擾我們。」

記者再打畀盛品儒。有老婆幫佢「開路」，盛品儒亦直認：「我結婚前同佢透過fb網聊識的，咁老婆成日出差，陪唔到我，有時又吵交，我就識了這個女仔氣她，我們是出去飲過幾次，佢成日想見我，我話下次先，我承認係拖住對方，我處理得唔好，我都要同佢講『對唔住』。」

盛品儒呢個「疑似情人」，現職文員，用Tasha S. Lopez名開facebook，但佢account昨日就突然刪除了，她在fb貼過好多爆乳同跳鋼管舞的相片。咁點解「出去飲過幾次」都搞到要爆佢大鑊？盛品儒解釋係因為女方發脾氣喎，仲強調他們絕無親密關係，亦冇影過情慾相。

哦，咁即係俾人屈啦？會唔會循法律途徑追究以保聲譽？盛品儒卻稱：「我不想搞大件事，我都有錯，我話斬纜又冇同佢講清楚，呢次講清楚，嚴正一點，我同佢講再見我就死啦。」記者仲致電Tasha求證，不過佢手機轉駁去留言信箱。